|
Հարցազրույց Համփի Կոներուի հետ |
|
Thursday, 26 July 2012 |
Հարգելի Համփի Կոներու, ինչպե՞ս եք Ձեզ զգում Հայաստանում: Արդյոք Ձեզ դուր է գալիս Ջերմուկ քաղաքը:
Սա իմ առաջին այցն է այս երկիր: Ինձ անչափ դուր է գալիս Ջերմուկի գեղեցիկ լեռները եւ հաճելի մթնոլորտը:
Լինելով աշխարհի փոխչեմպիոնուհի, քո երկրպագուները ակնկալում են բարձր
արդյունքներ Ձեզնից: Ըստ մասնագետների դուք բավական հաջող եք հանդես եկել
Կազանում: Ի՞նչն էր պատճառը Ձեր գերազանց խաղի:
Անկեղծ ասած, մինչեւ Կազանի Գրան Պրի մրցաշարը, ես մասնակցել էի Բաթումիում
կայանալիք աշխարհի կանանց արագ եւ բլից առաջնություններին: Կարծում եմ, դա
ինձ օգնեց լավ մարզավիճակում լինել:
Ի՞նչ հիմնական նպատակ եք դրել Ձեր առջեւ այս անգամ եւ ի՞նչ սպասումներ ունեք այս մրցաշարից:
Ես չեմ ուզում մտահոգվել լավ արդյունքի համար: Ես պարզապես ուզում է խաղալ լավ շախմատ:
Կարծում եմ համամիտ եք, որ Գրան Պրիի մրցաշարերին մասնակցում են
ուժեղագույն եւ արժանի շախմատիստները: Իսկ Դուք ու՞մ եք համարում ֆավորիտ:
Յուրաքանչյուր մասնակից ունի իր առանձնահատկությունը, եւ մրցաշարն ունի բավականին ուժեղ կազմ:
Հետաքրքիր է իմանալ աշխարհի փոխչեմպիոնուհու կարծիքը, թե «Ո՞ր բնավորության գծերն եք կարեւորում մարդու մեջ:
Ինձ մարդկանց մեջ դուր է գալիս ազնվությունը, հումորն ու ժպտացող դեմքերը:
|
