|
|
|
Իններորդ տուրի վերլուծություն |
|
Friday, 27 July 2012 |
 Ջերմուկում ավարտվեց ՖԻԴԵ-ի կանանց Գրան-Պրի մրցաշարի 9-րդ տուրը, որից հետո մրցաշարային աղյուսակում իրավիճակը փոխվեց և միանձնյա առաջատար դարձավ Չինաստանի ներկայացուցիչ Հոու Յիֆանը: Ուրախությամբ նշենք նաև, որ այս տուրից հետո Ձյու Վենջյունը լրացրեց տղամարդկանց միջազգային գրոսմայստերի նորմա, իսկ Ռուան Լուֆեյը՝ տղամարդկանց միջազգային վարպերի նորմա, ինչի առթիվ շնորհավորում ենք շնորհալի շախմատիստուհիներին:
Անչափ գեղեցիկ ընթացք և բավականին ուսանելի վերջաբան ունեցավ Ռուան
Լուֆեյ-Ջաո Սյուե պարտիան: Սկզբնախաղից հետո ստեղծվել էր բավականին բարդ
դրություն, և մի պահ սևերը թույլ տվեցին վրիպում, որից սկիտակներն
անմիջապես օգտվեցին և կիրառեցին գեղեցիկ տակտիկական հնարք:
19…d6? (պետք էր խաղալ 19…Նfe8! 20.Փc5 d6 21.Փe3 Փb7 22.Ձf6 Փf6 23. Փb7
Փa1 24.Նa1 Նe3! 25.fe Թe3 26.Թe3 Նe3 =) 20.Ձc5 dc 21.Թa5 և սպիտակները
ստացան զգալի առավելություն: Հետագայում սևերը թույլ տվեցին ևս մեկ արդեն
կոպիտ վրիպում, որից հետո սպիտակների դրությունը վերածվեց պարզապես
հաղթածի, իսկ վերջնախաղում էլ Ռուան Լուֆեյը կիրառեց անչափ գեղեցիկ,
ուսանելի հնարք
48.Նf6 Աf6 49.Աd6 1-0 և պարզվում է, որ սևերի արքան շատ շուտով գտնվելու է ցուգցվանգում:
Լարված պայքարում ընթացավ նաև Կոսինցևա-Դանիելյան պարտիան: Սկզբնախաղից
հետո տիրում էր հավասար դրություն: Այնուհետև սևեևը թույլ տվեցին կոպիտ
վրիպումներ, որոնցից Կոսինցևան օգտվեց և ստացավ բացահայտ առավելություն:
Սակայն պարզվեց, որ ամեն ինչ դեռ առջևում է: Չտեսնելով առավելության տանող
ուղին՝ սպիտակները ետ վերադարձրեցին թագուհին` փորձելով ստանալ մի փոքր
հաճելի վերջնախաղ, և հենց այդպես էլ ստացվեց:
35…Նd8 (ավելի ճիշտ կլիներ խաղալ 35...Նc5 36.Թe8 Աg7 37.Փd6 Նd5 և միանշանակ կարելի է ասել, որ արդեն սևերն են պայքարում առավելության համար) 36.Թd8 Փ d8 37.Նd8 Աg7 =
Իսկ ամենավերջում, երբ
բոլորին թվում էր խաղը շուտով կավարտվի ոչ-ոքի, Էլինան թույլ տվեց դիրքային
մի քանի վրիպումներ: Իսկ ահա Կոսինցևան էլ օգտվեց մրցակցի վրիպումներից և
կարողացավ խաղն ավարտել իր հաղթանակով:
Եկատերինա Կովալևսկայա-Հոու Յիֆան պարտիայում սկզբնախաղից հետո չինուհին
փորձեց սրել խաղը և գործեց բավականին ակտիվ, սակայն ոչ այդքան հաջող, իսկ
սպիտակներն էլ խաղացին շատ ճիշտ և կարողացան ստանալ զգալի առավելություն:
Այնուհետև Կովալևսկայան գործեց բավականին անվստահ,
29.Թe3? (պետք էր խաղալ 29.c5 bc 30.bc Ձf4 31.Թc2 և սպիտակների առավելությունն ակնհայտ է)
ոչ միայն հետզհետե բաց թողեց առավելությունը, այլ նաև մի քանի քայլի
ընթացքում ստացավ շատ ծանր, գրեթե պարտված դրություն: Երբ կողմերը գտնվում
էին երկկողմանի ցայտնոտում, դրվագներից մեկում սպիտակներն ունեցավ խաղը
փրկելու հնարավորություն, սակայն նրանք դա չնկատեցին, իսկ աշխարհի
չեմպիոնուհին այլևս չվրիպեց և տարավ տպավորիչ հաղթանակ:
Դիտարժան պայքարում ընթացավ Լահնո-Խուրցիձե պարտիան: Սկզբնախաղից հետո, երբ
ստեղծվել էր հավասար դրություն, ուկրաինացի շախմատիստուհին զոհաբերեց
զինվոր՝ փորձելով տիրել նախաձեռնությանը: Խուրցիձեի ոչ այդքան հաջող
արձագանքից հետո Լահնոին հաջողվեց հասնել իր նպատակին, սակայն ամենակարևոր
պահին, երբ արդեն պետք էր գործել շատ հստակ, սպիտակները վրիպեցին:
23.Թb6? (23.Փc6! Նa1 24.Նa1 bc 25.Թb6 Փd7 26.Նa7 e4 27.Փd2 և սպիտակներն ունեն վճռորոշ առավելություն)
Օգտվելով այն բանից, որ Լահնոն չնկատեց հաղթանակի տանող ուղին, սևերին
հաջողվեց փրկել դրությունը և որոշակի քայլերից հետո խաղն ավարտվեց ոչ-ոքի:
Հետաքրքիր ընթացք ունեցավ նաև Մոնղոնթուլ-Կոներու պարտիան: Սկզբնախաղում
Կոներուն կիրառեց բավականին ակտիվ, տեսական տարբերակ: Պարզվեց, որ դիրքի
սկզբունքների և բոլոր նրբությունների մասին տեղյակ էր նաև Մոնղոնթուլը: Նա
արձագանքեց շատ ճիշտ, կարողացավ ստանալ որոշակի առավելություն, սակայն ի
զարմանս շատերին, երբ խաղատախտակի վրա ստեղծված դրությունը գնահատվում էր
սպիտակների զգալի առավելությամբ` Մոնղոնթուլը նախնտրեց կրկնել դրությունը և
խաղն ավարտել ոչ-ոքի:
24.Փg5 Աf8 25.Փe3 (այստեղ կարելի էր ուղակի խաղալ 25.Փc2 g6 26.h5!
պահպանելով հաղթանակի իրական հնարավորություններ) 25...Աe7 26.Փg5 Աf8
27.Փe3 Աe7 28.Փg5 1/2-1/2
Բավականին հետաքրքիր պայքարում ընթացավ նաև Լիլիթ Մկրտչյան-Ձյու Վենջուն
պարտիան: Սկզբնախաղից հետո դրությունը գնահատվում էր հավասար, և մի պահ
չինուհին սկսեց գործել շատ ակտիվ, բայց ոչ այդքան հաջող, որից հետո
սպիտակներին հաջողվեց ստանալ որոշակի առավելություն: Իսկ այն պահին, երբ
արդեն պետք էր գործել շատ հստակ, Լիլիթը չգտավ ճիշտ շարունակությունը, ինչից
հետո դրությունը հավասարվեց:
19.h5? (պետք էր խաղալ 19.Թe3! Թe7 20.Ձe4 Ձe4 21.Թe4 և պարզվում է, որ սևերն ունեն բավականին լուրջ խնդիրներ)
Հետագայում չինուհին գործեց շատ ճիշտ, վերականգնեց դիրքի հավասարակշռությունը և որոշակի պայքարից հետո խաղն ավարտվեց ոչ-ոքի:
|
|
|
