|
Հարցազրույց Նադեժդա Կոսինցեւայի հետ |
|
Saturday, 28 July 2012 |
Հարգելի Նադեժդա, գիտեմ, որ սա Ձեր առաջին այցը չէ Հայաստան: Ջերմուկում մենք Ձեզ տեսել ենք նաեւ 2010 թվականին: Ինչպե՞ս եք Ձեզ զգում Ջերմուկում եւ արդյո՞ք այստեղի բնությունը ազդում է Ձեր տրամադրության վրա:
Երկու տարի առաջ ես եկել էի Ջերմուկ քույրիկիս հետ եւ առանց խորը մտածելու կրկին կայցելեի այս գեղեցիկ քաղաքը: Ինձ ուղղակի հրաշալի եմ զգում: Բնությունը, կլիման, լեռնային թարմ օդը անկասկած ազդում են իմ տրամադրության վրա:
Նախորդ Գրան Պրի մրցաշարերից որոշներին դուք մանսակցել եք: Ինչպե՞ս կգնահատեք Ձեր ելույթները:
Իրականում Ջերմուկի մրցաշարը ինձ համար վերջինն է Գրան Պրիի շարքում: Ցավոք, մեծ հաջողություններ ես չունեցա Գրան Պրիի ոչ մի մրցաշարում: Այնուամենայնիվ, ես խաղի շատ կարեւոր փորձ ձեռք բերեցի՝ խաղալով աշխարհում մեծ ճանաչում ունեցող մրցաշարերում:
2010 թվականի Գրան Պրիին, երբ դուք Հայաստանում էիք, մրցաշարին մասնակցում էր Ձեր քույրը՝ Տատյանան, իսկ դուք օգնում էիք նրան: Այժմ դուք եք խաղում եւ ողջ շախմատային աշխարհը հիմա Ձեր խաղին է հետեւում: Ի՞նչ հիմնական նպատակ եք դրել Ձեր առջեւ այս անգամ եւ ի՞նչ սպասումներ ունեք այս մրցաշարից:
Քանի որ վերջերս ինձ չի հաջողվում ցույց տալ այն խաղը, որը ես կցանկանյի, այդ իսկ պատճառով առանձնապես մեծ նպատակներ չեմ դրել իմ առջեւ այս մրցաշարին: Կցանկանայի միայն ցույց տալ կայուն, ավելորդ հուզմունքից զերծ խաղ:
Կարծում եմ համամիտ եք, որ Գրան Պրիի մրցաշարերին մասնակցում են ուժեղագույն եւ արժանի շախմատիստները: Իսկ Դուք ու՞մ եք համարում ֆավորիտ:
Անկեղծ, նախկինում ես հնարավորություն չեմ ունեցել մասնակցելու այսպիսի բարձրակարգ մրցաշարերում: Եւ կարող եմ ասել, որ այստեղ խաղում են հենց ֆավորիտները: Բայց, այնուամենայնիվ, կանանց շախմատը անկանխատեսելի է, եւ տարբերվելու հնարավորություն մեղնից յուրաքանչյուրն էլ ունի:
Ո՞ր բնավորության գծերն եք կարեւորում մարդու մեջ: Ինչպիսի՞ն կցանկանայիք տեսնել աշխարհի չեմպիոնին:
Անկեղծություն, պարկեշտություն, բարիություն: Իսկ ինչ վերաբերում է աշխարհի չեմպիոնին, կուզենայի տեսնել խարիզմայով լեցուն մարդու, այնպիսի մարդու, ով ժամանակի հետ համահունչ է քայլում, բայց նույն ժամանակ պահում է բազմակողմանի զարգացած անհատի կերպարը:
|
