|
Հարցազրույց Նինո Խուրցիձեի հետ |
|
Wednesday, 25 July 2012 |
Հարգելի Նինո, գիտեմ, որ բազմաթիվ անգամ եղել եք Հայաստանում: Ինչպիս՞ին են Ձեր տպավորությունները մեր երկրի մասին եւ ինչպե՞ս եք Ձեզ զգում Ջերմուկում:
Ես իսկապես շատ եմ եղել Հայաստանում: Ինձ շատ է դուր գալիս հիանալի եւ հյուրընկալ Հայաստանը եւ ես միշտ մեծ հաճույքով եմ գալիս այստեղ: Քաղաք Ջերմուկը, իհարհե, շատ գեղեցիկ է, բայց ինձ համար մի փոքր բարձր է:
Նախորդ Գրան Պրի մրցաշարերից ո՞րն եք համարում ամենահետաքրքիրը եւ ինչու՞:
Կարծում եմ՝ բոլոր մրցաշարերն էլ Գրան Պրի շարքի բավական հետաքրքիր եւ ուժեղ մրցաշարեր են: Դժվարանում եմ առանձնացնել նրանցից որեւէ մեկը:
Ի՞նչ հիմնական նպատակ եք դրել Ձեր առջեւ այս անգամ եւ ի՞նչ սպասումներ ունեք այս մրցաշարից:
Ես այս մրցաշարի մասնակից շատ պատահաբար եմ դարձել: Այդ իսկ պատճառով ինձ առավել հետաքրքիր է այստեղ խաղալ եւ ես ձգտում եմ լավ հանդես գալ մրցաշարին, սակայն դա ինձ դեռ չի հաջողվում:
Կարծում եմ համամիտ եք, որ Գրան Պրիի մրցաշարերին մասնակցում են ուժեղագույն եւ արժանի շախմատիստները: Իսկ Դուք ու՞մ եք համարում ֆավորիտ:
Կարծում եմ յուրաքանչյուր մրցաշարի ժամանակ էլ լինում են ֆավորիտներ եւ այս մրցաշարն էլ բացառություն չէ: Չնայած բոլոր մասնակիցներն էլ ուժեղ են, ես համարում եմ մրցաշարի ֆավորիտներին Հոու Յիֆանին եւ Համփի Կոներուին:
Ո՞ր բնավորության գծերն եք կարեւորում մարդու մեջ: Ինչպիսին կցանկանայիք տեսնել աշխարհի չեմպիոնին:
Ինձ համար կարեւոր հատկանիշներ են անկեղծությունը, պատասխանատվության զգացողությունը եւ աշխատասիրությունը: Իսկ թե ինչպիսին կլինի աշխարհի չեմպիոնը, կներեք, բայց դա ինձ այնքան էլ չի մտահոգում:
|
