|
Հարցազրույց Ձյու Վենջունի հետ |
|
Saturday, 21 July 2012 |
Հարգելի Ձյու Վենջուն, ինչպիսի՞ն են Ձեր տպավորությունները Հայաստանի մասին: Արդյո՞ք Ձեզ դուր է գալիս Ջերմուկ քաղաքը:
Առաջին անգամ եմ Ջերմուկում: Քաղաքը շատ գեղեցիկ է, մարդիկ անչափ բարի են:
Դա մեծ պատիվ է ինձ համար, որ ես խաղում եմ այստեղ: Ինձ իսկապես շատ է դուր
եկել քաղաքը:
Դուք միշտ մասնակցում եք Գրան - պրի մրցաշարերին: Ըստ փորձագետների դուք
բավական հաջող եք հանդես եկել Նալչիկում: Որ Գրան Պրի մրցաշարից եք
տպավորված ավելի:
Յուրաքանչյուր Գրան Պրի բարձր մակարդակի միջոցառում է: Կազմակերպիչները
բարեհամբույր են: Պետք է ասեմ, որ Ջերմուկը խորը տպավորություն է թողել
ինձ վրա: Շախմատը սիրված խաղ է այստեղ:
Դուք լա՞վ եք պատրաստվել այս մրցաշարին եւ ի՞նչ ակնկալիքներ ունեք:
Ես շատ լուրջ պատրաստվել եմ այս մրցաշարին: Յուրաքանչյուր խաղ կարեւոր է
ինձ համար: Ինչ վերաբերվում է ինձ, ցանկացած արդյունք ընդունելի է, քանի որ
ես ամեն ինչ արել եմ:
Բոլոր Գրան Պրի մրցաշարերի մասնակիցները բավական ուժեղ են: Ի՞նչ կարող
եք ասել այս մրցաշարի մասնակիցների մասին: Դուք կարծում եք նրանք
ֆավորիտներ են:
Այս մրցաշարի մասնակիցները բավական ուժեղ են տարբեր մասնագիտական գծերով:
Կարծում եմ՝ բոլորն էլ ուժեղ են յուրովի եւ ունեն մեծ փորձ: Ես կարող եմ
շատ բան սովորել նրանցից:
Ո՞ր բնավորության գծերն եք կարեւորում մարդու մեջ: Ինչպիսին է աշխարհի չեմպիոնը:
Ամենից շատ մարդկանց մեջ գնահատում եմ անկեղծությունը:
Աշխարհի չեմպիոնը մեծ տաղանդի տեր շախմատիստ է եւ հրաշալի պարտիաներ է
խաղում: Դա նպաստում է, որ ավելի շատ մարդիկ են հետաքրքրվում շախմատով:
|
